Kaka i dha fund martesës 10-vjeçare me Karoline Seliko në vitin 2015 dhe tashmë është gati të martohet për herë të dytë. Fituesi i fundit i “Topit të Artë” për Milanin dhe Brazilin ka njoftuar lajmin e bukur në faqen e tij në rrjetet sociale.
36-vjeçari i ka kërkuar dorën Karolina Dias, me të cilën është i lidhur prej kohësh. “Ti më bërë njeriun më të lumtur në botë. Të premtoj se do të bëj gruan më të lumtur në botë. Të dua” komenton braziliani, duke shprehur gjithë lumturinë e tij.
Në foto shihen çifti i ardhshëm dhe përgjigja e veçantë e Karolinës, e cila shkruan në dorën e saj përgjigjen që i ka dhënë Kakasë: unë u përgjigja po.
Tifozët kanë vërshuar me urimet e tyre për ish-yllin e Milanit, i cili mbetet një nga personat më të dashur, pavarësisht se e ka mbyllur me futbollin.
